Bileretan gertatutakoa aktetan idazten da, jasota geratzeko. Idazki horiek hurrengo bilera hasi aurretik irakurtzen dira edo hurrengo bilerako deiarekin batera bidaltzen. Aktak ahalik eta laburrena, objektiboena eta argiena izan behar du. Testua zehatza eta partaideen oniritzia jasotzeko baldin bada, idazkariak bilerakide guztien iritziak aintzakotzat hartu behar ditu, eta uko egin behar dio berak gustukoen dituen iritziak nabarmentzeko tentazioari.