111 Akademia. BATZORDE ERAGILEAREN BLOGA

Orokorra

Zarauzko ENBATA trainerua bosgarren sailkatu da 2011. urteko KAE/ARC 1. mailako Ligako azken sailkapen orokorrean azken bi estropadetan bosgarren izan ondoren. Portugaleteko Jarrillera ontziak irabazi ditu azken bi estropadak eta eurentzat izan da KAE 1. mailako Liga. Ondorioz, Portugaletek Zierbanarekin batera jokatuko du San Miguel Ligara igotzeko kanporaketa eta Camargo eta Orio izango dituzte aurkari. Larunbata arratsaldean Zierbanan Petronor bandera jokatu zen. Nahiz eta iragarkiek 2 metroko olatuak igorri ez zen horrelako itsaso zakarrik izan eta arraun egiteko eguraldi paregabea eta itsasoa egoera bikainean zegoen estropada hasi zen unean. Petronor bandera hiru txandetan jokatu zen. Lehen txandan lehiatu ziren lau traineruen artean Hondarribiarrak garaile izan ziren, Orio B bigarren izan zelarik. Bigarren txandan bigarren kaletik lehiatzea suertatu zitzaion Gaizka Garmendia patroiak gidaturiko ENBATA traineruari. Epaileen iritziz, beste inro ez baitzen konturatu zarauztarrak bandera jaitsi baino lehen irten omen ziren eta irteeran aurreratzeagatik 3 segundukin zigortuak izan ziren. Lehen ziabogara Deustu, Santurtzi eta Zarautz elkarrekin iritsi ziren, denbora berdina eginaz baina poparean oso estropada bikaina eginaz bigarren ziabogara ENBATA lehena iritsi zen Deustu 4 segundutara eta Santurtzi 7ra sartu zirelarik. Ziabogatik ateratzean hirugarren kaletik zetorren Santoņako trainerua oztopatzeagatik epaileek beste 3 segundutako zigorra eman zioten zarauztarrei. Laugarren luzean ere oso ondo moladatu ziren zarauztarrak eta azkenean txanda erraz irabazi zuten 20.42 denbora eginaz baina 6 segundu gehiago erantsi zizkioten epaileek, azkenean 20:48 denbora eginaz. Benetan zorte txarra izan zuten ENBATAko arraunlariek estropada ona egin baitzuten. Hirugarren txandan KAE 1. mailako Ligako sailkapeneko lehen lau traineruak lehiatu ziren. Hirugarren ziaboga ematean Lekittarra traineruak 5 segundu ateratzen zizkion Portugaleteri baina azken luzean lehen kaleko olatuak egoki aprobetxatuz Portugalete izan zen garaile 20:10 eginaz eta Lekittara segundu bakar batera sailkatuz. Hirugarren Zierbana izan zen. Donostiarrak 20:44 denbora egin zuen beraz zarauztarrak baino bi segundu gehaigo bain azkenean laugarren sailkatu ziren zarauztarrak bosgarren izanik. Igande goizean Santoņan jokatu zen KAE 1. mailako Ligako azken estropada. Estropada Santoņako eremu baldarrean jokatu zen erlojupean bi kaletatik. Lehen txandan sailkapen orokorreko azken sei traineruk parte hartu zuten eta berehala ikusi zen bi kaleen artean sekulako aldea zegoela, arraun elkarteko entrenatzaile batzuek ziotenez ia 7 metroko diferentzia zegoela kale batetik bestera euren GPS aparailuen neurketak kontuan harturik. Diferentzi handi hauek ikusita estropadako epaileek berriro estropada eremua neurtzera joan behar izan zuten eta ondo zegoela iritzita bigarren txandari ekin zitzaion. Jada frantsez iparra haizearen indarra gorantz zihoan eta honek kalte egin zien bigarren txandan lehiatu ziren sei traineruei. Zarauzko ENBATAk bigarren kaletik lehiatu behar izan zuen Cuesta ontziarekin. Azkenean zarauztarrak bosgarren izan ziren 18:55 denbora eginaz. Portugaletek irabazi zuen lehia 18:16 eginaz bigarren Lekittarra ontzia 4 segundutara iritsi zelarik. Donostiarrak seigarren izan ziren. Ondorioz, zarauztarrak bosgarren sailkatu dira KAE ligako sailkapen orokorrean. XXVIII PETRONOR IKURRINA Data: 2011ko abuztuaren 27a, Lekua: ZIERBANA (BIZKAIA) Estropadaren sailkapena postua taldea Denbora 1 Portugalete 20:10,41 2 Lekittatta 20:11,89 3 Zierbana 20:16,17 4 Donostiarra 20:44,82 5 Zarautz-Inmobiliaria Orio 20:42,98 + 6 segundu 6 Deustu 20:52,52 7 Hondarribia 20:55,09 8 Santurtzi 20:55,19 9 Orio B 21:17,59 10 Santoņa 21:23,72 11 Getxo 21:30,24 12 Arkote 21:42,93 XLI BANDERA EXCOM AYUNTAMIENTO DE SANTOŅA Data: 2011ko abuztuaren 28a, Lekua: SANTOŅA (KANTABRIA) Estropadaren sailkapena postua taldea Denbora 1 Portugalete 18:16,17 2 Lekittarra 18:19,45 3 Santoņa 18:43,24 4 Deustu 18:50,20 5 Zarautz-Inmobiliaria Orio 18:55,05 6 Donostiarra 19:01,35 7 Zierbana 19:08,27 8 Santurtzi 19:16,56 9 Arkote 19:27,92 10 Orio B 19:30,95 11 Hondarribia 19:43,24 12 Getxo 19:44,45 KAE/ARC 1. mailako sailkapen orokorra postua taldea puntuak 1 Portugalete 161 puntu 2 Zierbana 143 puntu 3 Lekittarra 139 puntu 4 Donostiarra 113 puntu 5 Zarautz-Inmobiliaria Orio 109 puntu 6 Santurtzi 101 puntu 7 Deustu 80 puntu 8 Santoņa 73 puntu 9 Hondarribia B 66 puntu 10 Orio B 52 puntu 11 Arkote 27 puntu 12 Getxo 26 puntu

Iruzkinak: (2)

  • Kopiatu zenbakiak